KEMILUX_logo_80_HIRES-JPG-scaled-e1673175519245.jpg

Treytir og ásetingar fyri luttøku í BURN Róður

1. Endamál

  • Hetta lýsir treytirnar, sum eru galdandi fyri allar rógvarar, ið melda seg til BURN Róður kappingarnar í inniróðri, skipaðar av Róðrarsambandi Føroya (RSF). Við tilmelding váttar rógvarin at hava lisið, skilt og góðkent treytirnar niðanfyri.

2. Limaskapur

  • Rógvari skal vera limur í felagi undir RSF ella í felagi undir øðrum útlendskum róðrarsambandi.

3. Felagsskifti

  • Rógvari, sum byrjar at venja við einum felagi, kann ikki skifta til annað felag eftir 1. november, uttan so at fyrra felagið gevur loyvi til tess.

4. Tilmelding

  • Tilmelding til kapping skal vera avgreidd í skipanini hjá RSF í seinasta lagi mánadag undan kapping.
  • Tað ber ikki til at melda til eftir, at freistin er farin.
  • Um rógvari ikki møtir uttan at hava boðað frá í seinasta lagi hósdag undan kapping, verður ásett bót á 300 kr., og rógvarin kann verða útihýstur frá næstu kapping.
  • Undantak: Sjúka ella skaði. Boðast skal frá í skipanini og samstundis skal teldupostur við grundgeving sendast til [email protected]. RSF kann krevja læknaváttan.

5. Vektflokkarnir

  • Til fyrstu GP-kappingarnar er markið 61,5 + 2,5 kg (kvinnur) og 75 + 2,5 kg (menn).
  • Til seinastu GP og FM er markið 61,5 kg (kvinnur) og 75 kg (menn).
  • Innviging skal vera avgreidd í seinasta lagi 1 tíma undan kapping.

6. Hjásitandi

  • Rógvari kann hava hjásitara, sum skal vera sitandi undir allari kappingini.

7. Kappingartreytir

  • Í einstaklingakapping skulu í minsta lagi tveir rógvarar vera tilmeldaðir, fyri at vinnari verður føroyameistari.
  • Stendur á jøvnum í stigum millum fleiri rógvarar, tá ið kappingarnar eru av, er tann vinnari, sum var best plaseraður til seinastu grand-prix kapping.

8. Dómarin

  • Dómarin er hægsti myndugleiki á kappingardegnum.

9. Kort

  • Gult kort: Smærri brot (vera givin um rógvari: ikki akta boð – for seint til start – tjóvstartur – vísir ósømiligan atburð).
  • Reytt kort: Stór brot (letur ósannar upplýsingar, broyting av drag factor undir kapping).
  • Tvey gult kort sama dag = reytt kort.
  • Trý gult kort á ymiskum kappingardøgum = reytt kort.

10. Ósømiligan atburð

  • RSF kann burturvísa og við bót revsa rógvarar og onnur, ið sýna ósømiligan atburð undir kapping ella á ferð í milllum kapping og heimstað.

11. Kærumøguleikar

  • Rógvari kann kæra dómaravgerðir til nevndina hjá RSF.
  • Kæra skal latast inn skrivliga innan 2 samdøgur eftir avgerðina saman við prógvi um, at 500 kr. eru goldnar.
  • Kæran skal vera undirskrivað av rógvaranum og í minsta lagi einum nevndarlimi í felagnum.
  • Nevndin hjá RSF kann ikki taka avgerð um at strika meistaraheitið, ella at broyta dómarans meting undir kapping.

12. Aðrar reglur

  • Víst verður til tær til eina og hvørja tíð galdandi reglur um doping.
  • Víst verður til Evstulóg hjá ÍSF.

13. Gildisváttan

  • Við at melda teg til BURN Róður kappingarnar váttar tú:
    – At tú hevur lisið og góðkent omanfyri standandi treytir.
    – At tú ert til reiðar at fylgja ásetingunum og góðtaka møgulig revsitiltøk sambært reglunum.