Í Róðrarsambandinum arbeiða vit altíð við at menna róður og sum nakað nýtt í ár, fara vit til FM í inniróðri at skipa fyri róðrum á 500metra teininum á rógvimaskinu í bólkunum U19 kvinnur/menn og í opnum bólki fyri kvinnum og monnum.

Sprintirnir eru at finna niðast í tilmeldingini (Bólkur).

Kostnaðurin fyri at luttaka á hesum teininum verður 100 kr. Vit vóna, at tað fer at eydnast vælat skipa fyri hesum kappingarteinum, og at undirtøkan verður góð.

Freistin at melda til FM í inniróðri er mánadagin 3. mars kl. 23.59