Enn einaferð hava føroyskir rógvarar prógvað, at vit teljast millum fremstu íkarar í heiminum. Í sínum egna ummæli skrivaði British Rowing so mikið rósandi um føroysku luttøkuna, at tey nevndu Vár G. Hansen “drotningina yvir British Rowing Indoor Championships”. Eisini Jóhanna av Steinum fekk góð orð sendandi fyri sínar sterku sprint róðrar.

Leygardagin var róð um bretsku meistaraheitini á 2000 m, 500 m og í 1-minutt róðri. Úrslitini tala fyri seg – tvey vunni bronsu, fimm silvur og tríggir føroyingarnir, stóðu á ovastu rók, tá dagurin var av.

• Sarita K. Hansen gjørdist bretskur meistari í masters lættvekt 30–39 við tíðini 7:26.3

• Vár G. Hansen vann bretska meistaraheitið í opna bólkinum hjá kvinnum á 1:26.7

• Sirið A. Mørkøre gjørdist bretskur meistari í U14

Sunnudagin helt kappingin fram við Super Sprint Sunday, har enn fleiri spennandi og tættir róðrar vórðu á skránni. Íkarnir leveraðu, og úrtøkan gjørdist eisini framúr – føroysku íkararnir vunnu 14 gull, 11 silvur og 8 bronsu, og vístu enn einaferð hvat føroyskur inniróður kann á altjóða pallinum.

Úrslitini frá BRIC 2025