FM 2026 í inniróðri – Kom við til endabrestin 🚣♂️
21. mars verður endabresturin í inniróðrarárinum, tá kappast verður um Føroyameistaraheitini í inniróðri 2026 í ítróttarhøllini við Streymin.
Dagurin bjóðar spennandi kappingar fyri allar aldursbólkar. Tey yngru rógva teinar á 2–4 minuttir, meðan tey eldru taka seg av klassiska 2000 metra teininum, sum krevur bæði styrki, úthaldni og taktiskan sans.
Eisini í ár verður kappast um Føroyameistaraheitini í sprint á 500 metrum. Hetta er ein kappingarformur, sum kom á skránna í fjør, og sum gevur rógvarum høvi at royna seg í einum styttri og meira eksplosivum teini. Kappast verður í fýra bólkum: U19 kvinnur og menn, og opin bólkur hjá kvinnum og monnum.
Dagurin endar, sum siður er, við einari spennandi liðkapping í stafett, har felagsskapur og taktikkur veruliga koma til sín rætt.
Vit kunnu tí gleða okkum til ein dag við hørðum róðrum, persónligum metum og stórum løtum, tá nýggir føroyameistarar verða krýndir.
Tiltakið verður eisini stroymt á YouTube-vanganum hjá Róðrarsambandi Føroya, so øll kunnu fylgja við.
Melda til nú
Tilmelding fer fram á: inniróður.rsf.fo
Tilmeldingarfreistin er mánadagin 16. mars kl. 23.59.
Spurningurin er bara:
Setur tú persónligt met – ella goymir ein føroyameistari seg í tær?
